जन्मभराचा प्रवास संपून
क्षणबिंदूंची ओंजळ का तू
फिरण्यापूर्वी सांग फकीरा
सिमोल्लंघन केलंस का तू?
जगण्याच्या ओघात नव्याने
मरणाला ओळखले का तू?
गंधधुक्यातून सांग फकीरा
सीमोल्लंघन केलंस का तू?
दिसली का तुज वादळचीन्हे
शांततेच्या स्वरात काही?
क्षितिजाच्याही पल्याड आता
सीमोल्लंघन केलंस का तू?
सापडले का तुला तुझे जे
नभी प्रकाशाइतुके होते
दिसले तुजला काय फकीरा?
सीमोल्लंघन केलंस का तू?
अनासक्त निर्मोही असुनि
अव्यक्ताचा साधक का तू?
स्वतःत पाहून सांग फकीरा
सीमोल्लंघन केलंस का तू??
मृत्युही तू भिके घेतला
जन्माचा मग दाता का तू
आता सगळे लुटून गेले
सीमोल्लंघन केलंस का तू?
