पत्रं फुलांची

अपूर्ण तरीही आहे कविता

तुला फुलांची पत्रं निनावी
तुला फुलांचा सुवास गेला
अखंड त्यांचा प्रवास आहे
तरी न त्यांचा हिशेब केला

वाऱ्याशी गुंतून पडलेली
पाण्याशी क्षणतरंग झाली
ओठांवरची ओळ तरीही
डोळ्यांतून ती अबोल ओली

वाहत स्वैर चहु दिशांना
अनंत त्यांचा प्रवास नुरला
सुकलेल्या डोळ्यांतून फसवा
अस्तित्वाचा प्रश्नही उरला

तुला फुलांची पत्रं निनावी
चुकलेल्या वाटांवर गेली
तुला फुलांचे हिरवे काकण
तुला फुलांची कविता ओली

ओळख उरली काळोखाशी
अभंग माझा विहंग फुटला
उगाच फड़फड पाकोळीची
प्रतिबिंबांचा प्रवास उरला