तुझी आठवण-२

चुकलेल्या वाटांवर पावलांचे ठसे जेव्हा दिसतील

तेव्हा
तुझी आठवण येईल

आभाळ भरेल.... कोसळेल...
थेंबानी त्या पाउलखुणाही पुसट होतील

आता तुझी आठवण येईल

भरलेल्या आभाळाखाली माडांच्या धूसर,
भयाण सावल्या.....
आणि वाऱ्याची संथ कुजबूज
बाकी सगळ शांत होईल

तेव्हा तुझी आठवण येईल

अर्धी वाट चाललीस
आता चाललेली एकटी वाट पुन्हा चालत हरुन जाईल

तेव्हा तुझी आठवण येईल

तुला शोधणाऱ्या माझ्या डोळ्यांसारखे ते पक्षी
उगाच आभाळभर फिरत राहतील

आता तुझी आठवण येईल
पुन्हा मन भरून येईल
आणि.......
तुझी आठवण येईल